قصــيده الأمير / محمد بن أحمد السديري رحمه الله

غير متّصل

المشاركة رقم: 1

المساعد

رقم العضوية: 1147

المشاركات: 3

( عضو جديد )

قصــيده الأمير / محمد بن أحمد السديري رحمه الله

السلام عليكم ورحمة الله وبركاتة

قصــيده الأمير / محمد بن أحمد السديري
رحمه الله
وهي معروفه عند اكثر الناس - الجزالتها ومعانيها الساميه
وهو يقول في قصيدته

يقول من عـدا علـى راس عالـي
رجمٍ طويـل يدهلـه كـل قرنـاس

في راس مرجـومٍ عسيـر المنالـي
تلعب به الارياح مـع كـل نسنـاس

في مهمهٍ قفر مـن النـاس خالـي
يشتاق له من حس بالقلب هوجـاس

قعدت فـي راسـه وحيـد الحالـي
برأس الطويل ملابقه تقـل حـراس

متذكـر ٍ فـي مرقبـي وش غدالـي
وصفقت بالكفين ياس ٍ علـى يـاس

اخـذت اعـد ايامهـا و الليـالـي
دنياً تقلـب ماعرفنـا لهـا اقيـاس

كم فرقـت مابيـن غالـي و غالـي
لو شفت منها ربح ترجـع للافـلاس

يـا ماهفابـه مـن رجـال ٍ مدالـي
ماكنهم ركبو علـى قـب الافـراس

ولاقلطوهـن للكمـيـن المـوالـي
ولاصار فوق ظهورهن قطف الانفاس

ولا رددوا صـم الرمـك للتـوالـي
كل ٍ يبي من زايـد الفعـل نومـاس

من بينهـم سمـر القنـا والسلالـي
مثل البروق برايـح ٍ ليلـه ادمـاس

يقطعـك دنيـا مالهـا اول وتالـي
لو اضحكت للغبن تقرع بالاجـراس

المستريح اللي مـن العقـل خالـي
ماهوبلجـات الهواجيـس غطـاس

ماهـوب مثلـي مشكلاتـه جلالـي
ازريت اسجلهـن بحبـرٍ وقرطـاس

حملـي ثقيـل وشايلـه باحتمالـي
واصبر على مر الليالـي والاتعـاس

وراسى كما ترسـى رواس الجبالـي
ولايشتكى ضلع ٍ عليـه القـدم داس

يابجـاد شـب النـار وادن الدلالـي
واحمس لنا يابجاد مايقعـد الـراس

ودقـه بنجـر ٍ ياظريـف العيالـي
يجذب لنا ربع ٍ على اكـوار جـلاس

وزله إلـى منـه رقـد كـل سالـي
وخله يفوح وقنـن الهيـل بقيـاس

وصبـه ومـده ياكريـم السبـالـي
يبعد همومي يوم اشمـه بالانفـاس

فنجـال يغـدى ماتصـور ببـالـي
وروابع ٍ تضرب بها اخماس واسداس

لاخـاب ظنـي بالرفيـق الموالـي
مالي مشاريـه علـى نايـد النـاس

لعـل قصـر مايجيـلـه اظـلالـي
ينهد مـن عالـي مبانيـه للسـاس

لاصـار ماهـو مدهـل ٍ للرجـالـي
وملجا لمن هو يشكي الظيم والباس

بحسناك يامنشـى حقـوق الخيالـي
ياخالق اجناس ٍ ويامفنـى اجنـاس

تجعـل مقـره دارس العهـد بالـي
صحصاح دو ٍ دارس ٍ مابه او نـاس

البـوم فـي تالـي هدامـه يلالـي
جزاك ياقصر الخنا وكـر الادنـاس

متـى تربـع دارنــا والمفـالـي
وتخضر فياض عقب ماهيب يبـاس

نشـوف فيهـا الديدحـان متوالـي
مثل الرعاف بخضر مدقوق الالعـاس

وينثر على البيـدا سـوات الزوالـي
يشرق حماره شرقة الصبغ بالكـاس

وتكبر دفـوف معبسـات الشمالـي
ويبني عليهن الشحم مثل الاطعـاس

انشاء الله تكون اعجبتكم

[ 08/03/2008 م - 02:21 صباحاً ]

~ نَبضْ المشآξـر }

-[ مراقب عام ]-
[ رجال يسوى قبيلة ]

[ الصورة الرمزية لـ ~ نَبضْ المشآξـر } ]

( إضافة تقييم )

كُتبت [ 08/03/2008 م - 07:26 مساءً ]

المشاركة رقم: 2

الله يرحم الشاعر.. والقصيده والله رووعه مشكور ـأخوي

ننتظر جديدكـ:

أهلا وسهلا بك في منتديات تقوى الهجر

للتسجيل في المنتدى إضغط هنا

متّصل - [ 09/03/2008 م - 12:17 مساءً ]

رقم العضوية: 1

المشاركات: 7,270

.×[~. المدير العام .~]×.

[ الوسام ]

الله يرحمه قصيده روعه

وغناها محمد عبده :

أهلا وسهلا بك في منتديات تقوى الهجر

للتسجيل في المنتدى إضغط هنا

« الموضوع السابق|الموضوع التالي »

مواقع النشر (المفضلة)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الإنتقال السريع

الساعة الآن: 12:18 صباحاً

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64