[ عزيزي الزائر يتوجب عليك التسجيل لمشاهدة الروابط والصور
للتسجيل إضغط هنا ]
في زمن الجمال الصناعي طلعت لنا هالقصيده
كلمات حلوة وتصوير احلى للواقع
قصيده اعجبتني وحبيت انقلها لكم ,,
وهو شاعر يدعي على اللي سوا المكياج ,,
يـاصانـع المكيـاج الله يجـازيـك
خليتني مخدوع في شكـل خلـي
الله يحــرق مصنعـك مـع مبانيـك
والمعرض الموجود في بيكاديلي
ادعي عسى تعمى وتنشل رجليك
هـذا دعائـي دوم لا جيـت اصلـي
خليتني اركـض ورا البنت هاذيـك
واشوفها اجمل غـرام ٍ حصـل لـي
قلبي عشقها يا(جيفنشي) توماتيك
وان شـافهـا قـلبـي يـرحـب يهـلـي
هـي رحـبت بـي وقـالـت الله يحييـك
وقالت هلا باللي عشق زيـن شكلـي
وقالت انا اجمل بنت في اللي حواليك
شـف حسني الاخاذ وروجي العسلّـي
طالعـتها ثـم قـلـت هـالقـلـب يبغـيـك
ومن شاف حسنك خلى غيرك يولـي
ابغي اشوفـك دون مكيـاج يكسيـك
وابغـي اشـوفـك بالجمـال المحلـي
قالت تبينـي افـرك الوجـه تفريـك
واشيل هالبـودر وروجي وكحلـي
قلت أي نعم قومي عسى الروح تفديك
ابغــي جـمالـك هـالطـــــبيـعـي يهـلّـي
قالت دقايق راجعـه لـك واراويـك
ذاك الجمـال اللـي لعـينـك يسـلّـي
ويوم رجعت لي شربكتني الشرابيـك
وحــسيت الارض تدور وانـا بمحلـي
الخد كنه يا( جيفنشـي ) سيراميـك
والـوجه شارع مثـل شـارع حولـي
الــوجـه كنـه بيـت كلـه شـبـابيـك
من هالحفر في وجهها اللي يعلّي
كلـه سبـب مكـياجـك الله يجازيـك
خليتني مخـدوع فـي شكـل خلـي
ونصيحتي لكل شاب من غير تشكيك
لا لا اتـســـرع ثـــم تنـغـــش مثـلـي